Қозоғистон жанубида Сирдарëнинг суви тошқини оқибатида 340дан ортиқ уйни сув босди ва бир қатор қишлоқлар хавф остида қолди.

Қозоғистон Фавқуллода Ҳолатлар вазирлиги вакиллари сув тошқини хавфи остида қолган минтақалар аҳолисини кўчиришни давом эттирмоқда. Ҳозирга қадар 2 мингдан кўпроқ киши эвакуация қилинди, деб хабар беради вазирлик вакили.
Ҳафта бошида Марказий Осиë ҳукуматлари сув тошқинининг олдини олиш учун чора кўришга келишиб олган эди.