Авиаҳалокатда нобуд бўлган Македония Президентининг жасади Скопьега олиб келинди.

Скопье шаҳрига Македония Президенти Борис Трайковский жасади келтирилди. У ўтган ҳафтанинг пайшанба куни авиаҳалокатда қурбон бўлган эди.
Борис Трайковскийнинг самолёти Босния тоғларида қулаб тушган. У билан бирга 8 киши ҳам қурбон бўлган.
Македония Президенти билан хайрлашув маросими эртага бошланади. Трайковский жасади жума куни қабрга қўйилади.