Австралия ва Осиëнинг айрим мамлакатларида Ироқ урушига қарши намойишлар бўлиб ўтди.

Бугун Австралия ва Осиë қитъаларида Ироқ урушининг бир йиллиги муносабати билан минглаб кишилар норозилик намойиши ўтказдилар.
Тахминан 3 минг намойишчи Сиднейда тўпланган бўлса¸ бошқа минглаб одамлар Австралиянинг Мелбурн¸ Брисбэн ва Перт шаҳарларида кўча юришлари қилдилар.
Шунингдек¸ Сеулда 1500 нафар атрофида ëш талабалар тинч намойиш ўтказди. Токиода эса бир неча минг киши ҳуштак ва ноғора чалиб¸ Япониянинг Ироққа ҳарбий куч юборишига норозилик билдирдилар.