Бугун 11 март куни Мадридда содир этилган террорчилик ҳаракатларини уюштиришда гумон қилиниб қўлга олинган икки кишига айблов эълон қилинди.

Суриялик Базел Гаюн террорчилик тармоғи аъзоси сифатида, марокашлик Ҳамид Аҳмидам террорчиларга ёрдам кўрсатганликда айбланмоқда.
Террорчилик ҳаракатларини содир этишда гумон қилиниб қўлга олинган қолган уч киши эса қамоқдан озод қилинган.
Мадриддаги террорчилик ҳаракатини содир этишда гумон қилиниб 21 киши қўлга олинган эди. Улардан 14 нафарига айблов билдирилди, 6 киши эса айбсиз деб топилиб озод этилди.