Кеча АҚШ Давлат Департаменти мулозими Адам Эрели Америка ва Ўзбекистон ўртасидаги террорчиликка қарши ҳамкорлик бундан буён ҳам давом этишини таъкидлади: "Ўзбекистонда сўнгги бир неча кун давом этган мудхиш терактлардан сўнг, ушбу мамлакат террорчиларга нишон бўлганини барча тушунди. Ўзбекистон рахбарияти бунга қарши кескин чора кўради. Биз ҳам террорчиликка қарши курашда ёрдамимизни аямаймиз", - деди Эрели. Сўнгги воқеалар оқибати ўлароқ Ўзбекистон пойтахти ва айрим вилоятларида хавфсизлик чоралари кучайтирилган.
