Бугун Непал полицияси демократик ислоҳотлар ўтказилишини талаб қилиб чиққан бир неча минг кишилик намойишни тарқатиб юбориш учун кўздан ёш оқизувчи газ ишлатди ва одамларни оммавий равишда ҳибсга олди

Мухолифат вакилларининг Ройтер ахборот агентлигига маълум қилишларича, пойтахт Катмандуда намойиш ўтказмаслик тўғрисида янги қабул қилинган қонунни бузганликги учун 500дан ортиқ одам ҳибсга олинган. Полиция жума куни ҳам мингдан ортиқ одамни қўлга олган. Бироқ уларнинг аксари ўша куни қўйиб юборилган.
Мухолифат аъзолари Непал Қироли Гянендрани ўзи тайинлаган ҳукумат аъзоларини алмаштиришга ва демократик ташкилотлар тузишга чақирмоқдалар.