Хитой Президенти Ху Цзинтао ҳукумат 2020 йилгача мамлакатда ишлаб чиқариш хажмини тўрт, аҳоли даромадини эса уч баробарга ошириш ниятида эканини маълум қилди.

Осиё-Тинч океани минтақасида иқтисодий ҳамкорликни мустаҳкамлаш жараёнига муносиб хисса қўшаётган нодавлат ташкилотлари йиғилишида сўзлаган Цзинтао, юқорида айтилган муддатда Хитойда ялпи маҳсулот ишлаб чиқарилиши 400 миллиард долларга ва аҳоли жон бошига тўғри келадиган даромад эса 3 минг долларга етишини билдирди.
Хитойда сўнгги 25 йил мобайнида ўртача иқтисодий ўсиш йилига салкам ўн фоизни ташкил этмоқда.