Қатар пойтахти Доха шахрида Чеченистоннинг собиқ президенти Зелимхон Яндарбиевни ўлдирганликда гумон қилинаëтган икки нафар Россия разведкачиси устидан махкама жараëни давом этмоқда.

11 апрел куни ўтказилган махкаманинг бундан аввалги мажлисида судланувчиларнинг адвокатлари иш билан танишиб чиқиш учун мухлат сўрашган эдилар.
Судланувчилар ўзларининг айбсизлигини таъкидлашмоқда.
Россия хукумати ўз фуқаролари озод қилинишини талаб қилмоқда.
Қатарда истиқомат қилган Зелимхон Яндарбиев 13 феврал куни ўлдирилган эди.