Халқаро ҳамжамият ОИТС касаллигининг иқтисодий-ижтимоий оқибатларини тўлиқ бартараф этишга ҳали тайёр эмаслигини билдирди.

Бу ҳақда Жаҳон соғлиқни сақлаш ташкилоти бугун эълон қилинган навбатдаги ҳисоботида маълум қилди. Ташкилот вакилларининг таъкидлашича, ОИТС ва Иммун тақчиллиги вирусига қарши дунё мамлакатлари томонидан жиддий чоралар кўрилмаса, касаллик фожеавий тарзда иқтисодий-ижтимоий оғир оқибатларни келтириб чиқариши мумкин.
Ҳисоботда таъкидланишича, ҳозирда ОИТС касаллиги 15-59 ёшдаги аҳолининг ўлимига сабаб бўлаётган жиддий касаллик.