Саудия Арабистонидаги Британия элчихонасининг хабар беришича, «Би-Би-Си» телекомпанияси журналисти Фрэнк Гарднер ҳануз оғир аҳволда, касалхонада ётибди.

У кеча Эр-Риёд шаҳрида уюштирилган ҳужум оқибатида қаттиқ жароҳатланди. «Франс-Пресс» агентлиги хабарига кўра, Гарднер операция қилинган ва ҳозирда шифохонанинг реанимация бўлимига ўтказилган.
Кеча журналистларга уюштирилган ҳужум оқибатида «Би-Би-Си» телекомпанияси оператори — Саймон Камберс ўлдирилган.