Дастлабки маьлумотларга кўра, Ажариядаги Республика Олий Кенгашига бўлиб ўтган сайловларда «Михаил Саакашвили — ғалаба қозонган Ажария» блоки ғолиб чиққан.

Мазкур блокка 70 фоига яқин сайловчи овоз берган. Шунингдек, ушбу блокнинг асосий рақиби ҳисобланган «Грузия Республика партияси» блоки ҳам 7 фоизлик тўсиқни ошиб ўтган. Сайловлар Ажариянинг собиқ етакчиси Аслан Абашидзе истеьфо берганлиги туфайли ўтказилди.
Якшанба куни Батуми шаҳрига, кутилмаганда, унинг қизи — Диана Абашидзе келди. Ўтган тунда унинг уйида Ажария собиқ етакчисининг тахминан 12 нафар сафдоши қўлга олинди.