АҚШ Давлат Котиби ўринбосари Жон Болтонга кўра, Эрон ҳукумати Британия, Франция ва Германия давлатларини уранни бойитиш саноатини яна қайта тиклаш мақсадида эканлигидан хабардор қилган.

Жон Болтоннинг сўзларига кўра, АҚШ томони Эроннинг бу соҳадаги тадқиқотлардан ўз ихтиёрига кўра воз кечишига ҳеч қачон ишонмаган. Ўтган ҳафтада эса Халқаро Атом Энергияси Агентлиги Эронни халқаро назоратчилар билан ҳамкорлик қилишни истамаётганликда айбловчи резолюцияни қабул қилган эди.
АҚШ ҳукумати Теҳрон ядровий қуролга эга бўлиш учун интилаётганига ишончи комил эканлигини билдирди.