АҚШ ҳарбий раҳбарияти генерал – лейтенант Энтони Жонсни Ироқдаги “Абу Ғрайб” қамоқхонасидаги махбусларни қийноққа солиниши бўйича тергов комиссиясининг раҳбари этиб тайинлади.

Бу комиссияни шу кунгача генерал Жорж Фэй бошқариб келган эди.
Пентагон расмийлари бу ўзгаришни Ироқдаги АҚШ қўшинлари қўмондони Рикардо Санчесни терговга чақириш эҳтиёжи туғилгани билан изоҳламоқдалар. Пентагонга кўра, Санчесни терговга чақирган шахснинг унвони у билан тенг бўлиши лозим.
АҚШнинг баъзи конгрессменлари эса, бундай ўзгаришни Пентагоннинг терговни иложи борича узоққа чўзиш учун олиб бораётган ҳаракати, деб изоҳламоқдалар.