Буюк Британияда тузилган махсус комиссия мамлакат разведка хизматининг Ироқ оммавий қирғин қуроллари тўғрисидаги маълумотларида жиддий камчиликлар борлигини аниқлади.

Британия ҳукумати бу маълумотлардан Ироқда ҳарбий амалиётларни бошлаш арафасида фойдаланган эди.

Комиссия ҳисоботида Тони Блэр ҳукумати разведка хизмати тақдим этган маълумотлардан тўғри фойдаланган, деган фикр билдирилган.
Комиссия раиси лорд Фредерик Батлер жумладан шундай деди: "Менимча, у ёки бу шахсни айблаб ўтиришнинг ҳожати йўқ. Биз нуқсонларини топган операция кўпчилик томонидан амалга оширилган иш эди. Ҳукуматни биров атайлаб алдаган эмас" .