АҚШ Мудофаа вазирлиги Халқаро Қизил Хоч ташкилотининг вазирлик террорчиликда гумон қилиб қўлга олган қандайдир шахслар бор ва бу факт сир тутилмоқда, деган даъволарини рад этди.

Бироқ, Пентагон тарқатган баёнотда Американинг бошқа идоралари Қизил Хоч билан қайси масалалар бўйича ҳамкорлик қилаётгани билдирилмаган.
Жорий ҳафтада Қизил Хоч ташкилоти АҚШ ҳукуматидан террорчиликда гумон қилиниб мамлакат қамоқхоналарида сақланаётган барча маҳбуслар тўғрисида маълумот беришни талаб қилгани, лекин бу талаб бажарилмагани тўғрисида баёнот берган эди.