Афғонистоннинг Чахчарон шаҳрида ҳукумат қўшинларининг икки аскари назорат-ўтказув пунктида икки қуролли шахсни ўлдириб қўйганидан сўнг дарғазаб оломон сайлов комиссияси жойлашган бинони вайрон қилди.

Аъзолари, асосан, чет элликлар – БМТ ходимлари бўлган сайлов комиссияси вертолётда Ҳирот шаҳрига эвакуация қилинди.
Чахчарон шаҳри сўнгги пайтларда маҳаллий дала қўмондонлари ўртасида бир неча бор қўлдан-қўлга ўтиб турди. Июнь ойининг охирида шаҳарда тартиб ўрнатиш учун Кобулдан 200 аскар ташланган эди.