Америка ҳарбийлари Ироқнинг Самарра шаҳри яқинида жанггариларга қарши тунги ҳужум уюштирди.

АҚШ ҳарбийлари жанггарилар жойлашган уйни бузиб ташлаганлигини маълум қилди. Касалхона ходимларига кўра¸ 4 нафар ироқлик ҳалок бўлган¸ 5 нафар одам оғир жароҳат олган.

Шунингдек¸ кеча Ироқнинг Ахбар вилоятида юз берган тўқнашувда америкалик 4 ҳарбий ҳалок бўлди. Шундай қилиб, АҚШ Ироқда уруш бошланганидан бугунги кунгача 900 нафар аскарини йўқотди.