Яқин Шарқ ва Марказий Осиё минтақасидаги АҚШ ҳарбий кучлари қўмондони генерал Жон Абизаид бугун Исломободда Покистон Президенти Парвез Мушарраф билан учрашди.

Музокара чоғида томонлар хавфсизлик борасида икки давлат ўртасидаги ҳамкорлик, шунингдек терроризмга қарши кураш масалаларини муҳокама қилдилар.
Бу учрашув Покистон Бош вазири лавозимини эгаллаши кутилаётган Шавкат Азиз жонига худкуш ҳужум уюштирилганидан бир кун кейин бўлиб ўтмоқда. Жума кунги ҳужум оқибатида саккиз одам ўлган, аммо Шавкат Азизга зиён етмаган.