Халқаро фазо станцияси экипажи аъзолари Геннадий Падалка ва Майкл Финк бугун очиқ коинотда ўтказилган амалиётни муваффақиятли якунладилар.

Фазогирлар кема ташқарисидаги ускуналарни алмаштириш ва таъмирлаш ишларини бажардилар. Очиқ коинотдаги амалиёт олти соатга режалаштирилган эди. Бироқ, фазогирлар ўз вазифаларини муддатидан олдин, яъни тўрт ярим соат ичида якунлашга эришдилар.