Парагвай суди мамлакат супермаркетларидан бирида чиққан ëнғин оқибатида 400га яқин одам ўлимига сабаб бўлгани юзасидан ҳукм чиқарди.

Сешанба кечқурун маҳаллий телевидение орқали судя Педро Портилионинг қарори ўқилиб¸унда супермаркет эгасининг ўғриликнинг олдини олиш мақсадида асосий эшикларни ëпишни буюргани кўплаб одамларнинг ўз вақтида супермаркетдан чиқа олмай¸ ҳалок бўлишига сабаб бўлганлиги таъкидланган.
Агар¸супермаркет хўжайинига қўйилган айбловлар тўғри¸ деб топилса¸ у 15 йилгача озодликдан маҳрум этилиши мумкин.