Тожикистон Бош Прокурори Бобожон Бобохонов банг моддаларини назорат қилувчи агентлик раҳбари Ғаффор Мирзоевга нисбатан расмий айблов қўйди.

Ғаффор Мирзоев қотилликда¸ ноқонуний тарзда қурол сотганлик ва давлатга қарашли пулни ўзлаштирганликда айбланиб¸ ўтган ҳафтада қўлга олинган эди.
Бош прокурорга кўра¸ банг моддаларига қарши курашиш агентлиги биноси тинтув қилинганда унинг ичидан 3 мингга яқин турли қурол-аслаҳа топилган.
Тожикистонда юз берган фуқаролар уруши даврида Ғаффор Мирзоев мамлакат президентининг соқчиси бўлганлигига қарамай¸ муҳолифат етакчилари унинг тарафини олмоқда.