Еврокорпус дея аталмиш халқаро кучлар қўмондони француз генерали Жан Луи Пи Афғонистондаги НАТО бошчилигидаги халқаро хавсизликни таъминлаш кучларига етакчилик қила бошлади.

Генерал яқин 6 ой мобайнида олти ярим минг аскардан иборат қўшинга қўмондонлик қилади. Еврокорпус кучларида Франция¸ Германия¸ Белгия¸ Люксембург ва Испания ҳарбийлари хизмат қилади.

Халқаро кучларнинг Еврокорпус қўмондонлиги қўлига ўтиши 9 октябрга белгиланган президентлик сайловининг осойишта ўтказилишига қаратилган қадамдир.