Покистон расмийлари мамлакат жануби-ғарбидаги Балужистон вилоятида 4 нафар ҳарбийнинг мина портлаши оқибатида ҳалок бўлгани ва яна бир неча аскар яраланганини маълум қилди.

Вилоят маъмуриятига кўра¸ ҳарбийлар ҳукуматга қарашли нефт ва газ ширкати ишчиларига ҳамроҳлик қилаëтган пайтда минага дуч келган.


Расмийлар мазкур ҳодиса ортида нефт ва газ ишлаб чиқаришни ўз назоратига олишни даво қилаëтган гуруҳлар турганлигини тахмин қилмоқда.