Москвадаги Пушкин майдонида “Яблоко” партияси вакиллари Москва кўчаларидан бирига Чеченистон Президенти Аҳмад Қодиров номи берилганлигига қарши норозилик митинги уюштиришди.

Тадбирда партиянинг Москва бўлими лидери Сергей Митрохин бошчилигида 20 га яқин киши қатнашди.
Аҳмад Қодиров шу йилнинг 9 май куни Грознийдаги стадионда содир этилган портлаш оқибатида ҳалок бўлган. Митрохиннинг Москва прокурорига ёзган мурожаатида қонун бўйича, ўлган одам ким бўлишидан қатъий назар, унинг номи марҳум бўлгандан 10 йил кейин кўчага берилиши мумкин, дейилади.