Шимолий Корея Ташқи ишлар вазирлиги, Жанубий Кореянинг яқинда маълум қилинган ядровий тажрибалари тўлиқ ўрганиб чиқилмагунча, кўп томонлама музокаралар ўтказилмаслигини билдирди.

Бугун саккиз давлат - Россия, Британия, Германия, Польша, Швеция, Чех республикаси, Ҳиндистон ва Мўғулистон дипломатлари ўтган ҳафта Шимолий Кореядаги кучли портлаш содир бўлган жойни кўриш учун Пхеняндан жўнаб кетди.
Ўша портлаш ядровий синов бўлиши мумкинлигидан халқаро ҳамжамият хавотир билдирган эди. Аммо Шимолий Корея расмийлари гидроэлектр станцияси қурилиши учун тоғ портлатилганини маълум қилган.