Ливан расмийлари бугун пойтахт Бейрутда машина портлаганини маълум қилди. Натижада бир киши ҳалок бўлган.

Хабарларга қараганда ¸ Ливаннинг собиқ Молия вазири Марван Хамадеҳ ўз машинасида портловчи мослама ўрнатилган ердан ўтиб кетаëтганида портлаш юз берган. Собиқ вазир ëнгил жароҳатлар билан касалхонага ëтқизилган. Унинг ҳайдовчиси ҳалок бўлган.

Хамадеҳ ўтган ой парламентнинг ҳозирги президент муддатини яна уч йилга чўзиш ҳақидаги қарори юзасидан норозилик билдириб¸ истеъфо берган 4 вазирдан биридир.