Халқаро Атом Энергияси Агентлиги раҳбари Муҳамад Эл-Барадей бугун Сеулда Жанубий Корея Бош вазири Ли Хай Чан билан мамлакатнинг ядровий дастурига оид масалаларни муҳокама этади.

Яқинда Жанубий Корея олимлари уранни бойитиш ва плутоний бўйича узоқ йиллар мобайнида яширин иш олиб боргани маълум бўлиб қолди. Бу иккала модда ҳам атом бомбаси яратиш учун ишлатилиши мумкин.

Қўшни Шимолий Корея эса¸ бунга жавобан¸ агар Жанубий Корея атом соҳасида олиб борган тажрибаларига оид барча маълумотларни тақдим этмаса¸ ўз ядровий дастурига оид музокаралар ҳеч қандай натижа бермаслигини маълум қилди.