Якшанба куни Исроил армияси Ғазо минтақасидаги фаластинлик қочқинларнинг Жабалия лагерига ҳаводан ракета ҳужуми уюштирди.

Фаластинлик қуролланган гуруҳларнинг истеҳкомлари нишонга олинган бу зарбалар оқибатида 1 фаластинлик ўлдирилди, 10 га яқин киши, шу жумладан, “Ал-Ақсо” гуруҳининг 3 аъзоси жароҳатланди.
Исроил армияси Ғазо минтақасида бу ҳарбий амалиётни деярли икки ҳафтадан буён олиб бормоқда.