Ингушетиянинг чекка Назран ҳудудида қуролланган гуруҳни қўлга олиш операцияси пайтида маҳаллий аҳоли вакилларидан 8 киши — 3 аёл ва 5 бола, шунингдек, Россия хавфсизлик хизматининг икки ходими жароҳатланди.

Маълумотга кўра, операция пайтида қуролланган гуруҳ вакилларидан икки киши ўлдирилган, учинчиси қўлга олинган. Россия ҳуқуқ-тартибот органи ходимларига кўра, ўлдирилганлардан бири — аввал чечен дала қўмондони Абу Ал-Валид гуруҳи таркибида бўлган ва июн ойида Ингушетиядаги аҳоли пунктига ҳужумни ташкил этишда иштирок этган Муҳаммад Хашиевдир.