28-, 29- октябрь кунлари Россиянинг 70 регионида губернаторларнинг президент томонидан тайинланишига қарши Умумроссия норозилик акцияси бўлиб ўтади,- деб хабар қилди Москвада бўлиб ўтган матбуот анжуманида "Яблоко" партияси раиси муовини Сергей Митрохин.
Конституция ҳимояси учун ўтказиладиган мазкур акция доирасида митинг ва пикетлар, давра суҳбатлари ва бошқа бир қатор тадбирлар уюштирилади. Норозилик акцияси жума куни эрталаб Давлат Думаси биноси олдида ўтказилажак пикет билан якунланади.
