БМТнинг наркотикларни назорат қилиш ва жиноятчиликка қарши курашиш бошқармаси раҳбари Афғонистон қорадори ишлаб чиқариш бўйича дунёда биринчи ўрин эгаллашини маълум қилди.

Антонио Мариа Коста пайшанба куни қилган баёнотида жорий йилда Афғонистонда қорадори ишлаб чиқариш 64 фоизга ошганини айтди.
БМТ вакилига кўра, бу йилги қорадори ҳосили қарийб 3 миллиард АҚШ долларига тенг. Унинг таъкидлашича, Афғонистонга қўшни бўлган Тожикистон, Ўзбекистон ва Туркманистонга қорадори олиб ўтиш ҳоллари кўпайишини кутиш мумкин.