Украинада президентликка номзодлар Виктор Янукович ва Виктор Юшченколар сайловолди пойгасидан чиқишлари учун белгилаб қўйилган муддат тугади.

Сайловнинг иккинчи босқичи 26 декабрь куни такроран ўтказилади.
Верховний Рада бугун мамлакат бош прокурорини Марказий сайлов комиссиясининг собиқ раиси Сергей Киваловни давлатга катта миқдорда етказган зарари учун жиноий жавобгарликка тортишга чақирди.
Кивалов сайловнинг биринчи ва иккинчи босқичи ўтказилган пайтда Марказий сайлов комиссиясини бошқариб турган эди.