Қозоғистонга оид яна бир хабарга кўра, Қозоғистон милицияси мамлакатдаги иккинчи йирик банк ҳисобланган "Тураналем" банки бошқаруви раиси Ержан Татишевнинг шубҳали ўлими юзасидан тергов бошлаган.

Ержан Татишев кеча дўстлари билан бўри овига чиққанида милтиқ ўқидан яраланиб, ҳалок бўлган. "Тураналем" банки вакилига кўра, бу бахтсиз ходиса бўлиши мумкин. Аммо банкда 24 фоизлик улушига эга одамнинг ҳалок бўлиши шунчаки тасодиф эмас, деган гумонлар ҳам йўқ эмас.