Тожикистон пойтахти Душанбе шаҳрида Марказий Осиё ҳамкорлик ташкилотига аъзо Қозоғистон, Қирғизистон, Тожикистон, Россия ва Ўзбекистон хавфсизлик огранлари раҳбарлари учрашуви бугун ниҳоясига етди.

Учрашувда қатнашган хавфсизлик органлари раҳбарлари Афғонистондаги аксил террор амалиётлар ва Ироқ уруши глобал терроризмни кучайтирди, деган фикр билдирди.
Йиғилишда терроризм, диний экстремизм, наркотиклар контрабандаси ва ноқонуний миграция масалалари муҳокама этилди. Шунингдек, Марказий Осиё давлатлари ва Россияда қидирувда бўлган террорчилар ва фаолияти таъқиқланган диний экстремистик гуруҳлар рўйҳати тузилди.