Тожикистон сайлов комиссияси расмийлари яқинлашаётган парламент сайловларида қатнашадиган 170 номзод рўйҳатга олинганини маълум қилди.

Комиссия вакили Мухибулло Додожоновнинг бугун маълум қилишича, сайловларда қатнашиш истагини билдириб, хужжат топширган 209 номзоднинг 170 нафари рўйҳатга олинган.
Тожикистон Парламентининг қуйи палатасига сайловлар 27 феврал куни бўлиб ўтиши режалаштирилган.
Шунингдек, Тожикистон ҳукумати республикада фаолият юритаётган “Неруи Сухан” номли охирги мустақил газетани ёпиб қўйди.