Россия хавфсизлик хизмати ва милиция ходимлари Кабарда-Болқор республикаси пойтахти Налчик шаҳрида бир гуруҳ қуролли шахсларга қарши бошланган операцияни тугатди.

Россия Ички ишлар вазирлиги рамийси Алексей Полянскийга кўра, мамлакат қўшинлари сешанба кунидан бери бинода қамалда бўлган саккиз шахснинг етти нафарини ўлдирган.
Ўлдирилган шахслар декабр ойида Кабарда-Болқор республикасининг наркотикларга қарши кураш идорасига ҳужум уюштириб, у ердан катта миқдордаги қуролни ўғирлаб кетган чечен сепаратчилари гуруҳи аъзолари, дея тахмин қилинмоқда.