Туркманистон ва Афғонистон Президентлари Сапармурод Ниёзов ва Ҳамид Карзайлар Туркманистондан Ҳиндистонгача газ қувури ётқизилишини тезлатишга келишди.

Бу масала Карзайнинг Ҳиндистонга сафаридан кейин душанба куни бўлган телефон сўзлашуви чоғида муҳокама этилди.
1680 км узунликдаги мазкур газ қувури Туркманистондан бошланиб Афғонистоннинг Хирот, Қандаҳор, шунингдек, Покистоннинг Кветта ва Мултан шаҳарлари орқали Ҳиндистоннинг чегара Фазилка шаҳригача ётқизилиши режалаштирилган.