Украина хавфсизлик хизмати ходимлари бугун Киевнинг “Бориспол” аэропортида уран олиб кетаётган шахсни қўлга олди.

Украина фавқулодда ҳолатлар вазирлиги маълумотига кўра, ушланган шахс 582 грамм “уран-238” радиоактив моддасини олиб кетаётган бўлган. Мутахассисларга кўра, бу материал “қўлбола бомба” тайёрлашда хом-ашё бўлиши мумкин.
Украина Ички ишлар вазирлиги бу иш юзасидан тергов олиб боряпти.