Афғонистон президенти Хамид Карзай агар вилоят ҳокимларининг коррупцияга алоқадорлиги ҳақидаги шикоятлар исботланса, ҳукумат вилоят ҳокимиятларида кенг кўламли ўзгаришлар қилишини билдирди.

Юқори лавозимли диний уламолар билан бугун Кобулда учрашган Афғонистон президенти вилоятлардаги коррупция масаласини ҳукумат алоҳида-алоҳида кўриб чиқишини таъкидлади. Карзайга кўра, Афғонистонда ҳукумат самарали иш олиб бориши учун 15 йил вақт керак бўлади.