Кеча Саудий подшоҳи Фаҳднинг зотилжам ташхиси билан касалхонага ëтқизилгани эълон этилиши билан¸ подшоҳлик оиласи саудийликларни Фаҳд саломатлигини сўраб дуо қилишга чақирди.

Риëд расмийларининг бугун маълум қилишларича¸ 82 яшар подшоҳ ўпкасида йиғилган сув олиб ташланганидан сўнг¸ унинг аҳволи барқарорлашган.
1995 йили инсултга учраган подшоҳ Фаҳднинг саломатлиги ўшандан бери ўнгланмай келмоқда ва мамлакатни бошқариш тизгини валиаҳд шаҳзода Абдуллоҳ қўлида қолмоқда.
Шу боис кўпчилик¸ подшоҳ оламдан кўз юмган тақдирда ҳам Саудийдаги ҳокимият алмашинувининг силлиқ бўлишини тахмин этмоқда.