Афғонистон ҳукумат аскарлари ва АҚШ етакчилигидаги кучлар сешанба куни мамлакат жанубида содир этилган ҳужумга алоқадорликда гумон қилинган “Толибон” жанггариларидан беш нафарини қўлга олди.

Спин Бўлдак тумани полицияси бошлиғи Муҳаммад Роз мазкур беш кишининг бир қишлоқда қўлга олинганини айтди¸ бу ҳақда бошқа маълумот бермади.
Кейинги ойларда “Толибон” жанггариларининг Афғонистон ҳукумат кучлари ва АҚШ бошчилигидаги коалицияга қарши ҳужумлари кескинлашган. Улар Президент Ҳомид Карзай ҳукумати тарафдорларини ҳам нишонга олмоқда.