Инсон ҳуқуқларини ҳимоя қилувчи Ҳюман райтс уотч ташкилоти Эроннинг бўлажак президентлик сайловини эркин ва адолатли сайлов бўлмаслиги учун қоралади.

Мазкур ташкилотга кўра¸ 17 июнда ўтказиладиган президентлик сайлови номзодлари мамлакат диний қўмитаси томонидан танлангани учун ҳам уни эркин ва адолатли сайлов деб бўлмайди. Сайловда иқтидордаги гуруҳ вакилларидан ташқари бошқа номзодлар қатнашишига йўл қўйилмаган.
Ҳюман райтс уотч ташкилотининг Яқин Шарқ бўлими директори Сторк Эроннинг президентлик сайловини олдиндан тайëрлаб қўйилган сайлов¸ деб таърифлади.