АҚШ ҳарбий кучлари қўмондонлиги Афғонистоннинг Кунар вилоятида “Толибон” ҳаракатига аъзоликда гумон қилинган олти нафар жанггари ҳамда бир қурол-яроғ омбори қўлга олинганини билдирди.

АҚШ ҳарбий кучлари қўмондонлиги тарқатган баëнотда айтилишича¸ мазкур қурол-аслаҳа ва жанггарилар вилоят маркази Асадободда исëнчиларга қарши олиб борилган ҳарбий амалиëтлар давомида қўлга туширилган.
28 июн куни Асадобод яқинида АҚШнинг ҳарбий вертолëти жанггарилар томонидан уриб туширилган ва вертолëт бортидаги 16 нафар аскар ҳалок бўлган эди.