Ироқ президенти Жалол Талабани Ироқдаги Миср элчиси ўғирлаб кетилиб ўлдирилгани учун Миср президенти Хусни Муборакка таъзия изҳор қилди.

Айни пайтда Талабани Ироқда зўравонликларни тўхтатиш борасида минтақавий анжуман ўтказишни таклиф қилди. Ироқ президенти идораси матбуот хизматига кўра, Миср президенти бу таклифни қўллаб-қувватлаган.
Миср элчисининг ўлдирилиши масъулиятини Ироқдаги “Ал-Қайда” гуруҳи ўз зиммасига олди.