Эрон ҳукумати агар мамлакат ядровий дастури БМТ Хавфсизлик кенгаши муҳокамасига қўйиладиган бўлса, ядровий тадқиқот обектларига халқаро назоратчиларни қўймаслигини маълум қилди.

Европа Иттифоқи эса ҳануз Эрон ядровий дастури Хавфсизлик Кенгаши муҳокамасига қўйилишини қаттиқ талаб қилмоқда. Иттифоқ талабига кўра, Эрон ядровий тадқиқотларини зудлик билан тўхтатиши ва бу бўйича музокара бошлаши лозим.
Европа Иттифоқи ва АҚШ тахминига кўра, Эрон яширин тарзда ядровий қурол ишлаб чиқиш билан шуғулланмоқда.