Қозоғистон мухолифатига тегишли бешта газета янги босмахона билан шартнома тузди.

Ҳафта бошида Олмаотадаги босмахоналардан бири бу газеталар билан шартномани бузиб, уларни чоп этишдан бош тортди.
Газеталардан бири, “Свобода слова” газетасининг мухаррири Гулжон Эргалиева Олмаотадаги Даур босмахонаси ўз хизматларини таклиф этганини маълум қилди.
Даур босмахонаси Президент Нурсултон Назарбоевнинг қариндоши Светлана Назарбоевага тегишли.
Ўтган душанба куни “Время-принт” босмахонаси газетани чоп этишдан бош торган эди.