Чеченистоннинг Грозний шаҳрида жанггарилар Россия федерал армиясининг икки зобитини ўлдирди.

Бу ҳақда Россия расмийлари маълум қилди.
Ички ишлар вазирлигининг минтақадаги идораси вакилига кўра¸ ҳарбийлар шанба кечқурун марказий бозор олдида жанггарилар томонидан ўққа тутилган.
Ҳужумчилар ҳарбийларга тегишли нарсаларни олиб¸ ҳодиса юз берган жойдан қочишга муваффақ бўлган.
Доғистонда эса¸ жанггариларнинг ўқ отиши натижасида полиция ходими яраланган ва касалхонага ëтқизилгани хабар қилинмоқда.