Покистон полициясига кўра, Карачидаги Американинг "KFC" ресторани яқинида эрталаб автомашина портлатилган ва унинг оқибатида икки киши нобуд бўлган. Аммо гувоҳлар портлаш рўй берганидан сўнг олти одам жасади касалхонага олиб кетилганини айтишган. Покистон Ички ишлар вазири портлашни террорчилар ҳамласи деб атади. Ҳозирча ҳеч бир гуруҳ портлашга жавобгарликни зиммасига олмаган. Май ойида "KFC" ресторанининг Карачидаги тармоғи олти ходими ўлдириб кетилганди.
