Миср сайлов комиссиясининг маълум қилишича, парламент сайловларида Президент Ҳусни Муборак етакчилигидаги Миллий демократик партия парламентдаги ўринларнинг учдан икки қисмини эгаллаган.

Бир ой давом этган ва кеча якунланган сайлов жараёнининг натижаси ўлароқ, иқтидордаги партия фавқулодда қонунлар қабул қилиш ва конституцияга ўзгартишлар киритиш ҳуқуқига эга бўлди.
Сайловларнинг кеча бўлиб ўтган якуний босқичида полиция ва исломчилар ўртасидаги тўқнашувларда тўққиз киши ҳалок бўлди.