АҚШ ўз космонавтларининг Россияга қарашли ракетада халқаро фазо станциясига парвоз қилиши ва қайтиши учун Росияга пул тўлайдиган бўлди.

Шу ҳақдаги янги шартнома сешанба куни Россиянинг “Роскосмос” ширкати ва АҚШнинг Фазо тадқиқотлари маркази – НАСА вакиллари ўртасида имзоланди.
АҚШ ва Россия ўртасида эришилган аввалги келишувга кўра, Америка космонавтлари ҳозирга қадар фазо станциясига текинга парвоз қилаётган эди. Мазкур келишув муддати 2005 йил охирида тугайди.